Chapter 1 - Yea Kahani hai meri part -15

Aur mere sath hi ghar aati hai school vehicle mea. Yea sab toa humare roj ki dincharya ka hissa hai. Yea meri dost jo hai , me aur mera bhai iske hi ghar khelne jaate thea. Iske ghar waale bahut achhe hain . Meri dost ki dadi ji humare liye cheej laati thi, aur taja jamun laati thi humare liye khet pe se tod kar. Hum sab milkar jamun khaate thea , meri dost ke ghar hum khelte thea . Me , mera bhai, meri dost, meri dost ka bhai aur uske cousins sab khelte thea. Hum sab chhupan - chhupai khelte thea, jhula jhulte thea. Pankhe waale kunde pe rassi daal kar dono taraf fhir usme chhoti si chaar pai rakh lete thea. Esa kar ke uss pe bahut saare log beth jaate thea , fhir ek jan hum ko jhulata tha. Ese hum roj jhulte thea, jab hum chhupan - chhupai khelte thea toa koi kahin chhupta tha toa koi kahin. Me toa ek din kharab cooler mea chhip gayi thi, bhai bathroom mea chhip gaya aur meri dost dressing mea chhip gayi thi. Lekin hum log fhir bhi pakde jaate thea, hum esi - esi jagah jaake chhipte thea fhir bhi hum ek - dusre ko pakad lete thea. Meri dost ke ghar ke peechhe ek ghar tha aur usme koi nahi rehta tha, uss ghar mea bilkul andhera rehta tha. Hum logo ko uss ghar mea jaane ki permission nahi thi. Meri dost bata rahi thi ki uss ghar mea kuchh ho gaya tha, usne bataya ki iss ghar mea ek aurat aag laga kar apni jaan de di thi. Fhir tab se vo ghar khaali hai , na toa usme koi rehta hai aur na kisi ko jaane dete. Bolte hain ki uss ghar mea kisi aurat ko dekha gaya hai , kabhi - kabhi toa vo aurat din mea bhi dikhai di hai. Yea ghar meri dost ke ghar ke bilkul peechhe hai . Agar iss ghar mea kuchh bhi gir jaaye toa usko uthate bhi nahi hain. Uss ghar mea jaane ki koi himmat hi nahi karta sabko dar lagta hai. Ek baar jab hum khel rahe thea toa meri dost ne yea sab mujhe bataya tha. Toa humko laga yea sab vese hi hai , fhir hum log uss ghar ki chhat pe kood gaye. Fhir hum log aage gaye aur humko halka - halka dar ka ehsas hone laga. Humko laga ki neeche koi hai, fhir hum ne abaaz lagai ki neeche kon hai, lekin neeche se koi jawab nahi aaya. Lekin kisi ke chalne ki awaaz aa rahi thi, ab humko aur dar lagne laga. Fhir humko payal ki awaaz aane lagi, hum ne fhir puchha ki kon hai jawab do . Fhir koi jawab nahi aaya, hum ne aas - pass dekha ki koi aur toa nahi hai jisne payal pehan rakhi ho . Lekin aas - pass koi nahi tha, ab humara dar aur jayada ho gaya tha. Uss ghar ki jo chhat thi uske beech mea ek khaali jagah thi jis se neeche ka dikhai deta tha. Jab hum uss jagah pahuche toa hum ne kisi aurat ko chalte huye dekha , lekin humko uska chehra dikhai nahi diya. Uske baal khule huye thea, jaise hi hum ne usko dekha hum log waha se itni tej bhaage ki ....