"8 February — Jab Sab Kuch Badal Gaya"
"8 saal pehle… mujhe nahi pata tha ki ek simple sa din meri zindagi badal dega."
Woh din meri zindagi ka pehla din tha…
Jab maine usse pehli baar dekha.
8 February 2019, Friday.
Yeh date mujhe aaj bhi yaad hai.
Us din mera us ghar mein pehla din tha…
Sab kuch naya tha, ajeeb sa lag raha tha.
Aur phir… maine usse dekha.
Aur usne mujhe.
Us ek pal mein kuch toh tha…
Kuch jo shayad tab samajh nahi aaya…
Par dil ne chupke se keh diya—
"Kaash… hum dono saath hote."
"Na main usse dhoond rahi thi,
na hi mujhe kisi se pyaar karna tha…"
Maine toh socha tha ki main poori zindagi single rahungi.
Par phir… woh mila.
Hum dono bas ek dusre ko dekha karte the…
Bina kuch kahe.
Kuch dino baad mujhe pata chala—
Uski life mein pehle se ek ladki thi.
Aur sach kahu…
Tab mujhe koi farq nahi pada.
Par phir… sab badal gaya.
Woh ladki usse cheat kar rahi thi.
Jab usse pata chala, usne sab khatam kar diya.
Aur us din ke baad…
Uski zindagi mein koi nahi tha.
Except… shayad main.
Woh mujhe dekhne laga…
Har jagah.
Kabhi gate par,
kabhi gali mein,
kabhi bas yunhi paas aane ki koshish karta.
Kabhi game ke bahaane,
kabhi baat karne ke liye.
Par main…
Main uski feelings samajh nahi paayi.
Shayad samajhna hi nahi chahti thi.
Hamari baatein kam,
aur ladai zyada hoti thi.
Par usse pata tha—
yeh ladai bhi pyaar hai.
Aur mujhe?
Mujhe abhi bhi kuch samajh nahi aa raha tha…
Do saal beet gaye.
Woh chupke se mujhse pyaar karta raha…
Bina kuch kahe.
Meri har choti baat yaad rakhta,
Meri pasand-naapasand jaanta…
Aur main?
Bas confuse thi.
Ek din…
Usne isharo mein kaha—
"I love you."
Maine ignore kar diya.
Par us din ke baad…
Mere dil aur dimaag mein ek hi sawaal tha—
"Kya jo main soch rahi hoon… woh sach hai?"
"Kuch dino baad…
maine decide kiya…
ab sach jaan kar hi rahungi."
— by Laxmi Sharma...