Rohan ek normal Sa 16 Saal ka ladka tha. Uski life bilkul simple thi school, homework, thodi gaming, aur kabhi kabhi apne dost Aman ke sath ghumna. Lekin Rohan ke andar ek cheez alag thi use machines aur science ka bahut shauk tha. Uska sapna tha ki ek din woh kuch aisa invent kare Jo duniya ko badal de. Ek din school ke baad Rohan apne dadaji ke purane store room mein gaya. Yeh jagah hamesha se band rehti thi. Dadaji ek scientist the lekin unke bare mein zyada kisi ko pata nahi tha.
Room mein dhul hi dhul thi... purane machines wires aur ajeeb ajeeb device padhe hue the.
"Ye sab kya hai..." Rohan ne dheere se kaha.
Tabhi uski najar bade se metal ke box per padi. Us per likha tha: "Project: Chrono-X"
Rohan ka dil tez dhadkane laga.
"Chorno... matlab time?" usne socha.
Usne box khola andar ek ajeeb si machine thi ek chair, uske aas paas glowing wires, aur ek digital screen.
Screen per likha tha:
"Time Travel Prototype - Do Not Activate"
Rohan muskura diya.
"Obviously main activate karung," usne halki si hasi ke sath kaha.
Usne machine ko dhyaan se dekha. ek red button tha... aur ek date set karne ka option.
"Chalo future dekhte hain," Rohan ne socha.
Usne date set ki: 15 August 2050
Aur phir... usne red button dabaya.
Achanak room mein light blink karne lagi. machine se ajeeb awaaz aane lagi. Rohan dar gaya, lekin ab der ho chuki thi.
"Yeh kya ho raha hai?!"
Ek tej white light chamki... aur sab kuch andhera ho gaya.