Raat sirf andheri nahi thi…
raat zinda thi.
Sheher ki sadkon par chamakti neon lights ek jhooth thi—ek aisa jhooth jo logon ko yeh mehsoos karata tha ki sab kuch theek hai. Lekin sach toh yeh tha ki andhera sirf aasman mein nahi, logon ke andar bhi bas chuka tha.
Hawa thandi chal rahi thi, lekin usme ek ajeeb si garmi thi—jaise kahin kuch jal raha ho.
Door kahin siren ki awaaz goonji.
Aur phir—ek zor daar blast. 💥
Log bhaagne lage. Dar unke chehron par saaf dikhta tha.
“Shadow user hai!” kisi ne cheekh kar kaha.
“Government ko bulao!”
Par tab tak der ho chuki thi.
Andhere ke beech, ek insaan ghutno ke bal zameen par gira hua tha. Uska sharir kaanp raha tha… jaise wo apni hi power se lad raha ho. Uske aas-paas zameen jal chuki thi, aur hawa mein kaali raakh tair rahi thi.
Achanak… uske haath ke neeche ki shadow hilne lagi.
Jaise wo zinda ho.
Jaise wo usse alag ho.
Ek agent aage badha, apni gun seedha us par taan kar.
“Subject unstable hai. Permission to eliminate.”
Dusre agent ki awaaz aayi, bilkul thandi—
“Approved.”
Gun ki trigger dabti hai.
Par goli chalne se pehle hi—
Shadow achanak fail jaati hai.
Ek kaali lahar jaise zameen se uthti hai… aur sab kuch nigalne lagti hai.
Agents peeche hat jaate hain.
“Yeh… yeh normal nahi hai!”
Aur phir—
Ek aawaz.
Gehri. Andheri.
“Tum log samajhte ho… tum control mein ho?”
Sab jam jaate hain.
Wo ladka dheere dheere apna sir uthata hai.
Uski aankhen andhere se bhari hui hoti hain…
Aur phir ek pal mein—
💥 BLACK FLAMES explode.
Scene white ho jaata hai.
Cut to—
Ek ladka building ke kinaare khada hai. Hawa uske aas-paas ghoom rahi hai.
Arjun Blaze.
Jaise kuch hua hi na ho…
Lekin uski aankhon mein wahi andhera jhalak raha hai.
Jaise wo sab… abhi abhi hua ho.
Ya phir… hone wala ho. 😶🌫️
To be continued....