Raat ke 12:00 baj chuke the
Ghar ki sari lightein bujhi thi, bus bedroom ke Kone mein Rakhi chhoti Si lamp jal rahi thi
Usi madhyam Roshani mein Ananya takiae se sir tikae baithi thi.
Uski Aankhen khuli thi, lekin nind koso dur thi
Samne Deewar per tangi Ghari ki tik-tik uske Dil ki dhadkanon se hor kar rahi thi
Aaj phir Raghav der se aaya tha yah koi nyi baat nahin thi
Pichhle 6 mahinon se"office mein kam jyada hai" uska sabse pasandida bahana Ban chuka tha ll
Pehle Ananya intezar karti thi -khidki ke pass Khade hokar , mobile hath mein liye har aati -jaati awaaz par chauk kar ,
Lekin Aaj... Uske andar intezar karne ki takat bhi nahin bachi thi darvaja khulne ki awaaz aayi "Raghav chupchap andar aaya, jute Bahar utare aur Bina kuchh bole bed par let Gaya" Ananya ke taraf Peeth kiye hue.
Ananya Ne dhire se poochha,"khana khaya?" Koi jawab nahi aaya !
Kuchh second bad bas ek thakki Hui si awaaz aayi," han.. office mein hi "
Office "vahi office, Jahan ab uska man, uski Hansi , uska samay sab chala gaya tha"
Ananya Ne karvat Badli, uski Aankhen Bhar I aayi , lekin usne Anshu girne nhi diye
Shaadi ke 7 saalo mein usne yah Sikh liya tha ki har sawal ka jawab nahin milta, aur har Dard ko dikhana bhi jaruri nahin hota
Kavi yah Kamra hasi se bhara rahata tha
Shaadi ke shuruaati salon mein Raghav har chhoti baat per muskura deta tha,
Office se aate hi Ananya ko awaaz deta ,
"Anu, Aaj Kya banaya hai?"
Aur Ananya Daur kar aati, Jaise koi inam milane wala Ho
Vah donon der Raat Tak baten karte, purane sapne, aane Wale plan, bacchon ki baten , ghumne ke Khwab..
Ananya Ne kabhi nahin socha tha ki ek din vah Insan uske samne hoga , lekin itna dur
Badlav Achanak nahin aaya tha
Vah dheere- dheere regata hua aaya tha -bilkul Kisi sard hawa ki tarah , jiska ehsas tab hota Hai jab sharir thand se sunn hone lagta hai, Raghav ka mobile ab hamesha silent rahata calls aate hi vah dusre kamre mein Chala jata
Ananya ke pass baitha hota, fir bhi kahin aur khoya rahata, ek din Ananya Ne Yun Hi majak mein poochha tha,
"Aaj kal mobile bahut pyara ho gaya hai kya?"
Raghav Ne Bina uski taraf dekhe jawab diya tha,"tumhen har baat mein shak kyon karne ki aadat hai ?"
Vah pahla teer tha...
Jo sidhe uske Dil mein Laga, shak kisi din paida nahin hota, vah chhoti - chhoti baton Se Banta Hai
Ek din Raghav nahane gaya tha, aur uska mobile bed per pada tha
Achanak screen per ek message chamka -
"Aaj ki Sham bahut khas thi "
Ananya ka hath kap gaya,
Usne message kholne ki himmat nahin ki
Dil Keh Raha tha - mat Dekho,
Dimag keh raha tha - Dekh lo,
Taki khud ko jhuthi taslli Dena band kar Sako,
Lekin usne mobile vahi Rakh Diya,
Use Raat vah Puri tarah so nahin Payi
Raghav ke Bagal mein lete - lete usne mahsus Kiya - ab unke bich sirf takiya nahin, ek Puri Deewar khadi ho chuki hai,
Agale din Ananya Ne khud Ko aaine mein dekha,
" Suni aankhen, bejan chehra"
Usne khud se puchha - kya mujhmein mein Koi Kami rah gai ?
Kya Main ab acchi patni nahin hun ?
Ya pyar sach mein khatam ho jata hai ?
Usne Kai bar socha Raghav se sidhe poochh le, Lekin har bar dar aage a jata -
Agar usne han kah diya to?
Kuchh jawab aise hote Hain, jinse Insan sawal poochhne Se Hi dar jata hai,
Raghav ab ghar mein mehman jaisa ho gaya tha, na ladai , Na pyar - bus ek - ajeeb si chuppi ,
Ek Sham Ananya Ne himmat jutaai
Khana lagate hue boli,"Ham donon ke bich sab theek hai na ?"
Raghav Ne plate se najar uthae Bina kaha,
"Tumhen kya lagta hai ? "
" Mujhe lagta hai... Tum mujhse dur Ja Rahe Ho"
Is bar Raghav Ne use dekha
Use najar mein gussa nahi tha, afsosh bhi nahi - bus berukhi thi !
"Tum jyada sochati ho"
Kah kar vah uth Gaya, Ananya vahi khadi rah gai, us raat Ananya bahut roi
Itna ki takiya Gila Ho Gaya, Aankhen suj gayi, lekin agali subah usne vahi Kiya, Jo vah roj karti thi - Raghav ke liye nashta banaya, uski shirt press ki, aur muskurane ki koshish ki
Kyunki vah janti thi - ek patni ka dard Aksar uski muskan ke piche chhipa rahata hai,
Ab Ananya ko har aane wali Sham se dar lagne Laga tha, har der se bajti ghanti, har andekha call, har adhura jawab - sab uske Dil Ko chir deta tha
Vah janti thi - kuchh bahut galat hai,
Lekin vah yah bhi janti thi - Sach samne aaya to uski duniya bikhar jayegi, phir bhi,
Kahin na kahin uska Dil Keh Raha tha-
Ab aur andhere mein mat raho, "Ananya"
Use Raat Raghav so chuka tha, Ananya chupchap uthi, uske mobile ki taraf Badi, is bar uske hath nahin Kat rahe the
Aankhon mein dar tha, lekin usse bada tha Sach janne ka sahas,
Usne mobile uthaya.... Screen on ki....
Aur jo usne dekha, usne uske Dil Ko hamesha ke liye Badal Diya,
Mobile ki screen chal rahi thi, Ananya ki ungaliyan thandi pad chuki thi, lekin Aankhen ek - ek Shabd ko Jaise jahar ki tarah pii rahi thi, message.... Call lock... Photos lock...
Sab kuch saaf tha, bahane, der Se aana, badla hua vyavhar - ab har chij ka matlab samajh mein a chuka tha,
Ananya name mobile dheere Se wapas Rakha, uski aankhon Se aansu nahin Bah rahe the
Shayad Dard itna gehra tha ki Rona bhi har man chuka tha, vah bistar ke kinare baith gai
Raghav gehri nind mein tha - itna sukun,
Jaise usne Koi gunah Kiya Hi Na Ho
Ananya Ne uski taraf dekha aur
Man hi man kaha,
Itni aasani Se kaise so sakte ho ?
Use shaadi ka vah din yad aaya, jab Raghav Ne sabke samne uska hath pakad Kar kaha tha - "main hamesha tumhara saath nibhaunga" Aaj vahi hath Kisi aur ka Sahara Ban chuka tha, subah hone tak Ananya Ne aankh nahin jhapkaye....
Age ki story kal ayegi
Thanks for watching 🥰