Room ka darwaza band ho chuka tha…
Andhera itna gehra tha ki Ayesha apne haath bhi nahi dekh pa rahi thi.
"Armaan… kuch karo…" uski awaaz darr se bhar chuki thi.
Armaan pocket se lighter nikaalta hai…
Click!
Halki si roshni failti hai…
Lekin us roshni me jo dikhai deta hai… usse dono ki saansein ruk jaati hain…
Room ki deewaron par har jagah Ayesha ki photos chipki hoti hain—
Kuch normal…
Kuch chupke li hui…
Aur kuch aisi… jaise kisi ne usse har waqt watch kiya ho…
Ayesha ki aankhon me aansu aa jaate hain.
"Yeh… yeh sab kisne kiya…?"
Armaan teeth bhinch kar kehta hai,
"Wahi… jo tumhe marna chahta hai…"
Tabhi achanak speaker se ek awaaz aati hai—
"Welcome to my game…"
Ayesha ka dil zor se dhadakne lagta hai.
"Phir se wahi awaaz…"
Awaaz phir goonjti hai—
"Tum sach ke kareeb ho… lekin ab test shuru hoga…"
Achanak floor ke neeche se kuch hilta hai…
Click!
Room ke beech ka hissa dheere dheere neeche girne lagta hai!
"Armaan!!" Ayesha cheekhti hai.
Armaan turant uska haath pakad leta hai aur dono ek side jump karte hain.
Beech me ek gehra gaddha ban chuka tha…
Aur usme neeche tez kaante (spikes) lage hue the!
Ayesha ka chehra safed pad jaata hai.
"Yeh… yeh to hume maarne ke liye trap hai…"
Awaaz phir se hasne lagti hai—
"Haan… aur yeh sirf shuruaat hai…"
Armaan gusse me chillata hai,
"Samne aa! Himmat hai to!"
Achanak saamne ki deewar par ek screen on hoti hai…
Aur usme ek aadmi ka shadow dikhai deta hai…
Uska chehra abhi bhi clearly nahi dikh raha…
Lekin is baar uski aankhen chamak rahi hoti hain…
Ayesha us screen ke paas jaati hai…
"Tumne meri zindagi barbaad kar di… ab khatam karo yeh sab!"
Aadmi dheere se bolta hai—
"Khatam…? Nahi Ayesha… abhi to maza shuru hua hai…"
Screen zoom hoti hai…
Aur ek pal ke liye uska aadha chehra dikhai deta hai…
Ayesha shock me peeche hatt jaati hai…
"Yeh… yeh awaaz… yeh chehra…"
Uska dimaag flash hone lagta hai—
Woh aadmi…
Woh raat…
Woh dhakka…
Ayesha dheere se bolti hai—
"Mujhe yaad aa raha hai…"
Armaan turant poochta hai,
"Kaun hai wo?!"
Ayesha ki aankhen gusse se bhar jaati hain…
"Wo… koi anjaan nahi…"
"Wo… mere bahut kareeb tha…"
Achanak screen band ho jaati hai…
Aur room me sirf ek line goonjti hai—
"Trust… is the biggest trap…"
Ayesha ka dil zor se dhadak raha tha…
Ab usse samajh aa raha tha—
Killer sirf uska peecha nahi kar raha tha…
Woh uski zindagi ka hissa tha…
Aur ab…
Woh usse todna chahta tha…
(To be continued…) 😱🔥