Toh ab tak mere hath phone lag chuka tha or sath hi internet tha .. main phone use karna bhi Sikh Rahi thi . Toh ab baari thi yeh samajhne ki games khelne ke liye download kaise karun . Tab entry Hui game changer app ki jo tha playstore . Kyunki mujhe nahi pata tha ki Play Store se app download karte hain. Tab mujhe ek add se pata chala ki agar app chayye toh unhe download karna padta hai , or download karne ke liye chahiye playstore . Kyunki mujhe typing karna ata tha toh playstore use karna seekhne main zyada waqt nahi laga or Jo game maine sabse pehle download ki thi vo tha temple run . Game downlad karte hi sabse pehla jo mera point tha vo tha 3000 meter tha . Us din ke baad se maine phone ko bohot zyada maze se use Kari Aaj bhi yaad hai mujhe shuruvad ke dinon main Mera screen time tha 14 hours 15 hours etc . Pehli baar malum pada tha addiction yani kya hota hai ?....
Fir vo din bhi agaya jab mujh pehli baar hurt hona tha . Or vo dina my birthday. Mere birthday ke din mere papa ne meri ek pyaari si tasveer face book per upload ki or shayad e shuruvat thi mere bad luck ki. Toh usper bohoth logon ka comment aya happy birthday lekin is se issue yeh hua ki bohoth logon ki nazre mujh per agayi thi . Toh us din ke baad se meri zindagi badal gayi . India main ek ladki bankar paida hona apne aap main ek badi ladai hai . Us din ke baad se mujhe samajhaya ki schools main kyun padhate phone and internet ki duniya risk se bhari hoti hai ..
1 normal middle class family ke 1 normal ladki thi main jo is face book ke 1 photo ki wajah itna effect hui jitna sun ke ultraviolet light se hamari skin effect hoti hai . Toh kya hua -
Us photo pe ek ladke ne comment Kiya ki " happy birthday day beautiful baby girl ❤️ " toh dikhne main toh ek normal birthday wish tha . Lekin uske piche ki sachai kuch or hi thi , jo meri soch se bhi zyada khatarnak thi .
Us comment ke aane ke baad yane mere birthday ke theek 3 din baad mere WhatsApp per ek unknown number se message aya ki " hey baby girl 💗 " or us number ko main nahi janti thi toh isiliye reply karna sahi nahi laga toh maine simple ignore kar diya . Lekin us message ane ke theek 1 din baad main hairan ho gayi kyunki meri gallery main ek photo thi jo or koi photo nahi thi , vo thi mere birthday ki vohi photo jo papa ne upload kiye they. Per ghabrane ki baat yeh thi us photo mein mere alava kuch or bhi tha . Jise dekh kar main hairan ho gyi . Us photo main dikh raha tha ek or shaks jab ki is photo ko click karte samay us kamre mere or mere papa ke sivaay or koi nahi tha . Toh sawal uth tha ki kon tha vo ? Aesa nahi tha ki chehra dikh raha tha us photo main mere alawa ek or insaan ke hath ke dikh rahe they jo meri traf ishara kar raha tha . Main poori tarah se chounk gayi or is soch main doob gayi ki yeh ho kya raha hai .
Lekin us waqt mujhe itna samajh nahi tha ki is unknown message or is photo ka koi connection ho sakta hai . Toh us waqt main yeh baat samajh nahi payi . Fir ek or din kuch or hua jisne mujhe sochne perajboor kar diya
Ek din aese hi sham ko jab main mere papa or mera bhai bahar gaye Pani puri khane tab mera phone ring hua . Kyunki sirf 3 ring bankar phone cut hone ki vajah se maine apna focus Pani puri se hatayi nahi . Us din jab ham log 9.12 ko ghar pohoche tab dobara same cheez Hui phone ring hua 3 baar ring hua fir cut hogaya . Toh mene apn ekaam khatm kar sone se pehle last time phone check kari toh dobara ek message aya usme tha ki " baby girl panu puri khane ke baad apne lips ko ache se wash karna nahi toh unka rang pheeka pad jayga jo mujhe manzoor nahi , mujhe yeh bilkul bardasht nahi ki mere alava koi or tumhare hothon ke itne kareeb rahe . " Yeh message mujhe darane ke liye kaafi tha . Kyunki is din se phle kisi ne mujhse besi baatein nahi boli thi . Ab mujhe aesa laga ki yeh ho kya raha hai . Tab mujhe samajh aya ki shayad in messages or un 2 calls main koi na koi connection they .
Kyunki mere ghar wale financially thode suffer ho rahe they toh unhe yeh batana mujhe theek nahi laga. Esa nahi hai ke Maine koshish nahi ki ek baar maine apne papa ko batayi per shayad vo apne kaam main kuch is tarah mashroof they ki unhe meri baat ko samajhna zaroori nahi laga . Meri maa ko bhi jab maine is baat ko batayi toh unka bhi yeh kehna tha ki yeh mera vehem ya shayad koi prank hai .Toh unhone bhi meri baat ko andekha kar diya .
Lekin shayad kuch or bhi hone wala tha jo is se bhi bura tha jis ka mujhe andaaza nahi tha .
Toh ek din dophar ko main icecream lane ghar se bahar nikli or mere sath kuch ajeeb sa hua . Toh main dukan per jakar chocobar and cone ice-cream kharid rahi thi tabhi meri nazar padi ek black colour ki Scorpio car per, jo icecream parlour ke theek bahar khadi thi . Lekin focus abhi ice-cream per tha . Mujhse raha nahi gaya or maine ek chocobar khali , or khate khate chali gayi . Kyunki main chatri lana bhul gayi thi toh dhood ki vajah se icecream mere kapdo per girgayi or mujhe bich main ruk kar shop se paani lekar use dhone pada . Ice cream girne ki vajah se mere kapde kharab ho gaye they or mood off ho gaya tha . Main apna muh latkaa kar ghar ki taraf nikal gayi . Lekin jab main ghar pohochi toh gate per ek blue bag tha . Mene chuna theek nahi samjhaisiliye door se hi check karne lagi ki parcel kiska hai. Or shock toh tab laga jab us per mera hi naam tha , lekin ajeeb baat to yeh thi uspe bhejnewala ka adress nahi tha . Himmat karke mene use uthayi or kholi . Usme kuch aisa tha jisne mere hosh udadiye ...
Ab vo kya tha yeh janenge agle part main , tab tak ke liye all the best and remember never give up .....