Jaise hi kabir or arav ko ye pata lga ki vo jagah ek entrance h toh un dono apni aakho par vishwas hi nahi hua.
Raat bohot ho gyi thi or unko bhi bohot jyada neend aa rhi thi.... Toh unhone socha ki vo iss baare main ab aake kal baat krenge.
Isliye vo jaldi se soo gye...
Agle din jb vo uthe toh vo ready hokar apne school chale gye.
School main bhi undono ka dhyaan kal raat wali baat per hi tha..
Tabhi arav ko lagta h ki unhe iss baare main kisi or ko bhi batana chahiye.
Isliye vo ye baat mira ko batane ki sochta h..
Lekin uss time tk unke school ki chutti ho chuki thi... Isliye vo ye baat usko coaching main batane ki sochta h.
Kyuki meera uski close friend thi isliye usko ye baat batane main undono ko koi shak nahi tha.
Or kuch dino se meera bhi arav ka strange behaviour dekh ke usko puchne ka soch rhi thi... Ki usko aisa kya hua ki ab usne kisi se baat Krna chod diya h.
Jab kabir or arav apni coaching main aaye toh meera bhi unke pass aake baith gyi.
Usne arav se baat start ki or iske baad jo pichle dino se arav ki zindagi main jo bhi chl rha tha undono ne meera ko bata diya.
Ye sunke meera bhi undono ko dekhti hi reh gyi..
Usko ek bada jhatka lagta h.
Vo undono ki baato pe doubt krne lgti h..
Usko lgta h ki vo dono uske sath majak kar rhe h or uske maje le rhe h.
Lekin phir jb vo arav or kabir ko serious dekhti h toh vo bhi serious ho jaati h...
Phir vo arav or kabir ki baaton main interest lene lagti h or unki saari baat dhyaan se sunti h.
Saari baat sunne ke baad ab vo sooch main padh jaati h...
Ab arav or kabir usko apne sath kaam karne ka proposal dete h..
👉 Meera ek baari ke liye sooch main padh jaati h or fir 10 min sochne ke baad unko haan kr deti h.
Ab vo teeno ek group banate h or arav ke Ghar chale jaate h.
Vahan jaake vo dono meera ko saari cheeze dikhaate h.
Sab kuch dekhne ke baad ab vo teeno kal raat ki saari chizo ko analyse krne ka try krte h.
Sabse pehle vo uss map ko dekhte h jo kabir ne apne graphics ka use krke bnaya tha.
Uss map ko dhikhake vo meera ko vo jagah dikhaate h jo uss map main highlight ki hui thi.
Map or uss location ko ache se analyse krne ke baad meera undono ko ek idea deti h..
Vo unhe kehti h unko ab wahan uss location per jaana padega.
Bohot der tk discussion krne ke baad ab vo teeno iss baat kr liye maan jaate h ki ab vo uss location per jayenge..
Kyuki ab shaam ho gyi thi isliye vo sochte h ki raat ko location per jana safe nahi h..
Kuch bhi ho sakta h..
Isliye vo kal jaane ka plan banate h or meera arav ke Ghar se chali jaati h.
Thodi der ki discussion ke baad ab kabir bhi arav ke Ghar se chala jaata h.
Ab raat ho gyi thi or arav apne room main bed pe aa gya tha but arav ke man main abhi bhi vo pehli raat wali baat chal rhi thi..
Vo jaise hi apni aakh band krta toh uske man se siraf vo hi awaaz aati thi..
👉 " Mat dhundoo..."
Baar baar vo apne kaam band kr leta tha.
Last main usne ek cheenkh maari or ek lambi saans li...
Thodi der ki struggle ke baad ab usko neend aa gyi thi.
Agli subhah jaise hi vo utha toh vo jaldi se ready ho gya or kabir or meera ko phone krne lga...
Usne undono ko conference pe le liya tha or undono ko apne Ghar bula liya tha..
Thodi der baad vo dono uske Ghar aa gye the.
Unn teeno ne uss location pe jaane ka ab poora plan bana liya tha...
Kabir ne uss map ki photo Li or ek group banake usmain main bhej di taaki agar map kahin khoo bhi jaaye toh unke pass fir bhi vo map ho.
Ab vo teeno map ko leke uss location ke liye nikal jaate h...
Jaise hi vo uss location pe pohonchte h toh vo kya dekhte h...
👉 Vo ek abandoned place tha.
Yahan tak ki vo jiss raste pe padta tha vo door door tk koi nahi tha.
Insaan toh kya vahan ek jaanwar bhi nahi tha.
Ab vo uss location ke saamne khade the.
👉 Vo location ek old building thi.
Ab vo uss old building ke ander jaate h.
Meera unhe idea deti h ki un teeno ko alag alag jagah jaana chahiye or kuch mile toh uss group main msg krke unn teeno ko ek jagah pe ikhatha hona chahiye.
Vo teeno uss plan ko execute krne ke liye alag alag direction main chale jaate h.
Unn teeno ko dhundhte dhundhte ek ghanta ho gya tha lekin unko abhi tk kuch nahi mila tha.
Lekin fir arav ka hath ek corner se touch ho jata h or ek locker khul jata h....
Uske wo hi pattern bana hua tha jo uss map main tha...
Uske niche ek puzzle bhi thi.
Ye dekhke vo jaldi se meera or kabir ko bulata h.
Jaise hi meera or kabir aate h vo dono bhi usko dekhke shock ho jaate h.
Vo teeno milke uss puzzle ko solve krne ka try krte h.
Or kuch der ke baad vo uss puzzle ko solve kr dete h.
Jaise hi vo uss puzzle ko solve krte h vaise hi ek hidden door khulta h jo ground ke niche ki taraf jaa rha tha.
Vo teeno uss door ko dekh ke shoch ho jaate h.
Thodi der baad vo teeno uss door main jaane lagte h.
Jaise hi vo thodi doori tk pohonchte h toh vahan ki light flicker hone lagti h or ajeeb ajeed sound aane lagti h...
Lights flicker hone ke karan unhe kuch ache se dikh nahi rha tha toh kabir apna phone nikalta h flash light on krne ke liye...
Lekin jaise hi vo phone on krta h toh uska phone bhi glitch maarne lag jata h.
Tabhi unhe ek voice aati h...
👉 "Wapas jaoo...."
Vo uss voice ko dekh ke darr jaate h but meera unhe aage jaane ke liye motivate krti h..
Thodi der ke baad sab shaant ho jata h or unhe ek or darwaza milta h...
Abki baar wala darwaza phele Wale se bhayanak lag rha tha...
Jaise hi unhe vo hidden entry milti h toh arav dheere se kehta h...
👉 " Yeh..... City ke neeche jaata h..."