Rathore Mansion us raat ajeeb tarah se khamosh tha.
Bade bade glass windows par baarish ki halki boonden gir rahi thi.Bahar sheher ki lights chamak rahi thi, lekin andar ek ajeeb sa tension mehsoos ho raha tha.
Meher balcony ke paas khadi thi.
Uski nazar sheher par thi… lekin uska dimaag kahin aur chal raha tha.
Usse pata tha Aarav usse dekh raha hai.
Bina peeche mudhe bhi wo uski nazar mehsoos kar sakti thi.
Darwaze ke paas Aarav Rathore khada tha.
Uski teekhi aankhen Meher ko observe kar rahi thi.
Usse kuch samajh nahi aa raha tha.
Ye ladki… itni shaant kaise ho sakti hai?
Jis ladki ne apne dushman se shaadi ki ho… wo itni calm kaise reh sakti hai?
Aarav ko mysteries pasand nahi thi.
Aur Meher ek badi mystery thi.
Aakhir usne khamoshi tod di.
"View enjoy kar rahi ho?"
Meher dheere se mudhi.
Uske chehre par hamesha ki tarah calm expression tha.
"Shaant hai…" usne halki si awaaz me kaha.
Aarav halka sa hans pada.
"Shaanti aur Rathore Mansion?"
"Interesting joke."
Wo dheere dheere uske paas aaya.
Ab dono ke beech sirf kuch kadam ka fasla tha.
Kuch seconds tak dono chup rahe.
Hawa me ek ajeeb sa tension tha.
Dangerous tension.
Aarav ne haath fold kiye.
"Ek baat batao Meher…"
Uski awaaz thodi dheemi thi.
"Tum hamesha itni shaant rehti ho… ya kuch chhupa rahi ho?"
Meher ne seedha uski aankhon me dekha.
"Chhupa rahi hoon?"
Aarav ek kadam aur aage badha.
"Drama mat karo."
"Jo ladki apne enemy se shaadi kare… wo itni relaxed nahi hoti."
Meher ki aankhon me ek ajeeb si chamak aayi.
"Jo aadmi sirf revenge ke liye shaadi kare… wo bhi normal nahi hota."
Ek second ke liye Aarav ka expression dark ho gaya.
Toh isse pata hai.
Interesting.
"Tum meri expectation se zyada smart ho,"
Aarav ne dheere se kaha.
Meher halka sa muskurayi.
"Shayad tumne mujhe underestimate kiya."
Aarav usse ghoorta raha.
Pehli baar usse Meher ke baare me curiosity mehsoos hui.
Lekin Aarav Rathore curiosity par kabhi trust nahi karta.
Kyuki curiosity kabhi kabhi weakness ban jaati hai.
Tabhi uska phone vibrate hua.
Ek message.
Unknown number.
Aarav ne message open kiya.
Aur uska expression turant badal gaya.
Message me sirf ek line likhi thi.
"jo pasttumne daba diya tha...wo wapas aa raha hai."
Aarav ka jaw tight ho gaya.
Meher ne turant notice kar liya.
"Kya hua?"
Aarav ne phone lock kar diya.
"Kuch nahi."
Lekin Meher samajh gayi.
Wo jhoot bol raha tha.
Bahar tez bijli chamki.
Aur ussi waqt…
Rathore Mansion se kuch door ek black car khadi thi.
Car ke andar ek aadmi baitha tha.
Uska chehra andhere me chhupa hua tha.
Aur woh dheere se muskuraya.
"Game ab shuru hoga…"
Mansion ke andar…
Aarav ne phir Meher ki taraf dekha.
Is baar uski aankhon me doubt tha.
"Sach batao Meher."
"Tumne mujhse shaadi sirf apne family ke liye ki hai…"
Wo thoda ruk gaya.
"…ya tumhe mere bhai ke baare me kuch pata hai?"
Meher ek second ke liye freeze ho gayi.
Bas ek second.
Lekin Aarav Rathore ne wo dekh liya.
Uske honton par ek dangerous smile aa gayi.
Toh sach me koi secret hai.
Aur Aarav ko secrets todna bahut achha aata tha.
___________________________________________
At the end
Aarav dheere dheere Meher ke paas aaya.
Uski awaaz thandi aur khatarnak thi.
"Careful, Meher…"
"Secrets aksar logon ko barbaad kar dete hain."
Wo uske kaan ke paas jhuk kar dheere se bola—
"Aur main sach nikalwana bahut achhi tarah jaanta hoon."
Meher ki aankhon me ek pal ke liye dar chamka…
lekin Aarav ko nahi pata tha—
Chapter 7 me sach ka pehla tukda samne aane wala tha.