Board exams ke baad achanak poori duniya badal gayi.
Ek khatarnak virus ki wajah se lockdown lag gaya.
School, college aur sab kuch band ho gaya. Har koi apne ghar mein rehne laga. Padhai ab online classes ke zariye hone lagi.
Ania bhi apne ghar mein thi.
Usse laga tha ki uski zindagi ab dheere-dheere normal ho rahi hai.
Lekin usse kya pata tha...
Ki uska bita hua kal phir se uske saamne aane wala tha.
Wahi ladka, jise Ania samajh baithi thi ki woh uski zindagi se chala gaya hai...
Woh phir se laut aaya.
Us ladke ke kuch rishtedaar Ania ke ghar ke paas rehte the. Isi wajah se woh aksar wahan aata-jaata rehta tha.
Dheere-dheere usne school ke kai logon se kehna shuru kar diya ki Ania uski girlfriend hai.
Sirf school ke log hi nahi...
Usne apne rishtedaaron ko bhi yehi baat batayi.
Baatein badhte-badhte Ania ke ghar tak pahunch gayin.
Ek din Ania ki badi behen ne usse poocha—
Di: "Ania, sach batao... kya tum us ladke se baat karti ho? Agar aisa kuch hua na, to main Mama ko sab bata dungi."
Ania ghabra gayi.
Ania: "Nahi Di... main usse bilkul baat nahi karti. Please Mama ko kuch mat batana."
Di: "Theek hai... agar tum sach keh rahi ho, to main kuch nahi bolungi."
Ania ne sukoon ki saans li.
Lekin uski pareshani khatam nahi hui thi.
Kuch din baad Di ne social media par us ladke ki ID dekhi.
Us ID par Ania ki photo lagi hui thi.
Ye dekhte hi Di gusse mein Ania ke paas aayi.
Di: "Ania! Ye sab kya hai? Tumne humse jhoot bola?"
Ania hairaan reh gayi.
Ania: "Di, mujhe sach mein nahi pata usne meri photo kab aur kaise li. Maine uske saath kuch bhi nahi kiya. Kasam se mera yakeen karo."
Tabhi Mama wahan aa gayi.
Mama: "Kya hua? Tum dono kis baat par jhagadh rahe ho?"
Di ne phone Mama ko de diya.
Photo dekhte hi Mama ka chehra badal gaya.
Mama: "Ania... ye sab kya hai? Kya ye sach hai? Humne tumhe school padhne ke liye bheja tha ya ye sab karne ke liye?"
Ania ki aankhon se aansu behne lage.
Ania: "Mama... Allah ki kasam, maine kuch nahi kiya. Mujhe nahi pata usne meri photo kaise li."
Lekin uski baat kisi ne nahi suni.
Di: "Mama, ye jhoot bol rahi hai. Mere doston ne bhi iske baare mein bataya tha."
Mama ka bharosa toot chuka tha.
Mama: "Aaj se tumhari padhai band. Tum school nahi jaogi. Hume tum par ab bharosa nahi raha."
Ye alfaaz Ania ke dil ko cheer gaye.
Usne bahut samjhane ki koshish ki...
Lekin koi uski baat sunne ko tayyar nahi tha.
Us din Ania pehli baar andar se toot gayi.
Kuch hi dino baad uski tabiyat bahut zyada kharab ho gayi.
Lockdown ki wajah se doctor milna bhi bahut mushkil tha.
Bahut mushkil se uske Baba use doctor ke paas le gaye.
Saath hi ek buzurg Hakim se bhi mashwara kiya.
Us waqt ghar walon ko jo bataya gaya, uske baad sab aur bhi pareshan ho gaye.
Mama ka gussa aur badh gaya aur unhone Ania ko bahut kuch suna diya.
Ania chup thi...
Kyuki uske paas apni sachchai sabit karne ka koi tareeka hi nahi tha.
Waqt guzarta gaya.
Bimari aur takleefon ke beech hi Ania ne apni 10th ki padhai poori ki.
Kaafi dino baad uski tabiyat dheere-dheere theek hone lagi.
Ghar ka mahaul bhi pehle se behtar hone laga.
Lekin Ania ke dil par lage zakhm...
Abhi bhi waise hi taaza the.
To Be Continued...